მოძრაობა ციკლის მიხედვით: მენსტრუაცია და ფიზიკური ვარჯიში
შესავალი
მენსტრუაცია ქალის ცხოვრების ბუნებრივი ნაწილია, რომელიც იწვევს ჰორმონალურ ცვლილებებს, რამაც შეიძლება გავლენა მოახდინოს მისი განწყობის ბევრ ასპექტზე, მათ შორის მის დამოკიდებულებაზე ფიზიკური აქტივობის მიმართ.
სტატია
მენსტრუაცია ქალის ცხოვრების ბუნებრივი ნაწილია, რომელიც იწვევს ჰორმონალურ ცვლილებებს, რამაც შეიძლება გავლენა მოახდინოს მისი განწყობის ბევრ ასპექტზე, მათ შორის მის დამოკიდებულებაზე ფიზიკური აქტივობის მიმართ.
მენსტრუაციისა და ფიზიკური ვარჯიშის გაგება
მენსტრუალური ციკლი ხასიათდება ჰორმონალური რყევებით, რამაც შეიძლება გავლენა მოახდინოს ენერგიის დონეზე, განწყობაზე და ვარჯიშის აღქმაზეც კი. ზოგიერთი ქალბატონი ციკლის გარკვეულ ფაზებში საკუთარ თავს ფიზიკური ფორმის პიკში შეიძლება გრძნობდეს, მაშინ როდესაც სხვები შეიძლება განიცდიდნენ დაღლილობასა და დისკომფორტს, რამაც შეიძლება ხელი შეუშალოს მათ რეგულარულ ვარჯიშს. ამ ცვლილებების გაგება დაგეხმარებათ თქვენი ვარჯიშის რეჟიმის მორგებაში თქვენი სხეულის საჭიროებებზე ამ დროის განმავლობაში.
მენსტრუაციის გავლენა ფიზიკურ ვარჯიშზე
- ფიზიკური სიმპტომები: მენსტრუაციის დროს ზოგიერთ ქალს შეიძლება ჰქონდეს სპაზმები, შებერილობა და ზურგის ტკივილი. მიუხედავად იმისა, რომ ეს სიმპტომები შეიძლება ვარჯიშის გაცდენის მიზეზად მოგეჩვენოთ, მსუბუქი და ზომიერი ვარჯიში რეალურად შეამსუბუქებს ამ სიმპტომებს. ისეთი აქტივობები, როგორიცაა იოგა, სიარული ან მსუბუქი კარდიო, დაგეხმარებათ კუნთების შეკუმშვის შემცირებასა და განწყობის გაუმჯობესებაში.
- ენერგიის დონე: ჰორმონალურმა ცვლილებებმა მენსტრუალური ციკლის დროს შეიძლება გამოიწვიოს ენერგიის დონის მერყეობა. ესტროგენისა და პროგესტერონის დონის მატებამ ციკლის პირველ ნახევარში (ფოლიკულური ფაზა) შეიძლება გამოიწვიოს გამძლეობის გაზრდა, რაც შესანიშნავ დროს წარმოადგენს მეტად ინტენსიური ვარჯიშისათვის. ციკლის მეორე ნახევარში (ლუტეალური ფაზა) აღნიშნული ჰორმონების დონე მცირდება, რამაც შეიძლება გამოიწვიოს ენერგიის დონის დაქვეითება, რაც კარგ დროს წარმოადგენს მსუბუქი ვარჯიშისათვის ან დასვენებისათვის.
- ემოციური ცვლილებები: ჰორმონალურმა რყევებმა ასევე შეიძლება გავლენა მოახდინოს განწყობასა და მოტივაციაზე. აღნიშნული ცვლილებების გააზრება დაგეხმარებათ თქვენი ვარჯიშის რეჟიმის შესაბამისად მორგებაში.
მეცადინეობების ეფექტურობა მენსტრუაციის დროს
- მოუსმინეთ საკუთარ სხეულს: ეს ოქროს წესია. ზოგიერთ დღეს შეიძლება ენერგიულად იგრძნოთ თავი და მზად იყოთ ინტენსიური ვარჯიშისათვის, ხოლო სხვა დღეებში მსუბუქი სეირნობა ან იოგა შეიძლება უფრო შესაფერისი მოგეჩვენოთ. შეცვალეთ თქვენი ვარჯიში იმის მიხედვით, თუ როგორ გრძნობთ თავს.
- დაიცავით ჰიდრატაციის დონე: არ აქვს მნიშვნელობა, თუ ციკლის რომელ ფაზაში იმყოფებით, ჰიდრატაციის დონის შენარჩუნებას გადამწყვეტი მნიშვნელობა გააჩნია, განსაკუთრებით ვარჯიშის დროს.
- კვება: მიირთვით დაბალანსებული საკვები ენერგიის დონის შესანარჩუნებლად. ისეთი საკვები ნივთიერებები, როგორიცაა რკინა, ვიტამინი В6 და მაგნიუმი, დაგეხმარებათ მენსტრუალური სიმპტომების დაძლევასა და ვარჯიშის დროს თქვენი ენერგიის დონის შენარჩუნებაში.
- მოსახერხებელი ტანსაცმელი: ატარეთ კომფორტული სავარჯიშო ტანსაცმელი, განსაკუთრებით ის, რომელიც შეესაგამება თქვენს მიერ სერჩეულ მენსტრუაციის საშუალებებს
- მენსტრუაციის საშუალებები: შეარჩიეთ თქვენთვის მოსახერხებელი მენსტრუაციის საშუალებები, რომლებიც შეესაბამება თქვენს ფიზიკურ აქტივობას, ისეთები როგორიცაა ტამპონები ან მენსტრუალური ჭიქები.
- გაუმტკივნეულება: თუ კუნთების შეკუმშვა ართულებს ვარჯიშს, შეიძლება გამოგადგეთ რეცეპტის გარეშე ტკივილგამაყუჩებლები. თუმცა, ყოველთვის რეკომენდებულუა მედიცინის მუშაკის კონსულტაცია, თუ თქვენ არ ხართ დარწმუნებული.
მიუხედავად იმისა, რომ მენსტრუაცია და მასთან დაკავშირებული სიმპტომები შეიძლება პრობლემად მოგეჩვენოთ, როდესაც საქმე რეგულარულ ფიზიკურ ვარჯიშამდე მიდის, მნიშვნელოვანია გვახსოვდეს, რომ მენსტრუაცია ბუნებრივი პროცესია და მან არ უნდა შეაფერხოს თქვენი აქტიური ცხოვრების წესი. სინამდვილეში, სწორი გაგებითა და კორექტირებით ფიზიკური ვარჯიში შეიძლება გახდეს მენსტრუალური სიმპტომების წინააღმდეგ ბრძოლისა და განწყობის გაუმჯობესების ეფექტური ინსტრუმენტი. ყოველთვის გახსოვდეთ, რომ ყველა ქალი უნიკალურია და ის, რაც საუკეთესოდ უხდება თითოეულ მათგანს შეიძლება ვარირებდეს ადამიანიდან ადამიანამდე. ასე რომ, განაგრძეთ კვლევები, იყავით მომთმენნი და რაც მთავარია, მოუსმინეთ თქვენს სხეულს.
